Kuri uyu wa Gatatu, itariki 2 Werurwe 2025, Umuyobozi Nshingwabikorwa w’Akarere ka Kicukiro, Antoine Mutsinzi, yayoboye umuhango w’ihererekanyabubasha hagati ya Niragire Samuel wari Umuhuzabikorwa wa “DASSO” mu Karere ka Kicukiro akaba agiye gukomereza inshingano mu Karere ka Nyarugenge ndetse na Ngarambe John umusimbuye.
Niragire Samuel akaba yashimiwe n’Ubuyobozi bw’Akarere ndetse na bagenzi be ku musanzu batanze kuva muri 2014 ubwo uru rwego rwashyirwagaho aho bagize uruhare runini mu kubungabunga umutekano ndetse n’ibikorwa byahinduye imibereho myiza y’abaturage.
Ibi bikorwa birimo: Kuremera abatishoboye, Gusubiza abana mu ishuri bari bararitaye ndetse bagahabwa ibikoresho by’ishuri, Kubakira abatishoboye, Gutanga igishoro ku bahoze bakorera mu muhanda n’ibindi byose byatwaye amafaranga agera kuri Miliyoni 12,759,000 FRW.
