Ikipe y’Igihugu y’u Rwanda y’Abagore mu mupira w’amaguru, izwi nka She-Amavubi, ntizagaragara mu irushanwa rya CECAFA Senior Women’s Championship 2025 rizabera muri Tanzania kuva ku wa 12 kugeza ku wa 21 Kamena 2025.
Ibihugu bizitabira iri rushanwa ni Tanzania yakiriye, Uganda, Kenya, u Burundi na Sudan y’Epfo.
U Rwanda ntiruragaragara ku rutonde rw’amakipe azakina, ndetse amakuru avuga ko impamvu ishobora kuba ari amikoro make, nubwo nta rwego rubishinzwe rwabitangaje ku mugaragaro.
Imikino yose y’iri rushanwa izabera kuri Azam Complex i Dar es Salaam muri Tanzania.
