Mu bice bimwe na bimwe byo ku isi, hari amoko akomeza umuco wo kurya abapfuye aho kubashyingura, umuco usanzwe utandukanye n’imigenzo y’ahandi.
Mu bushakashatsi bwakozwe n’abahanga mu mateka n’imyemerere y’imiryango gakondo, byagaragaye ko mu bwoko bumwe bwo muri Papua New Guinea no mu bice bimwe by’Amajyepfo y’Amerika, habaho imigenzo yo kurya abapfuye.
Ababikora bavuga ko ari uburyo bwo guha icyubahiro abitabye Imana no gukomeza kubana nabo mu buryo bw’umwuka. Ndetse bamwe babifata nk’igikorwa cy’ubumwe bw’umuryango, aho kwita ku murambo bitaboneka nk’igikorwa cy’ubugome, ahubwo bifatwa nk’isano ikomeye hagati y’abapfuye n’abasigaye.
Nubwo iyi migenzo yabayeho cyane mu bihe byashize, ubu igenda icika cyane bitewe n’iterambere ry’imyumvire, ivugururwa ry’amategeko, n’iyinjira ry’amadini mu miryango myinshi ku isi.
Abashakashatsi basobanura ko iyo migenzo itagomba kwitiranywa n’ibikorwa by’ubugizi bwa nabi, ahubwo ari imico ifite ibisobanuro byihariye mu muryango runaka.
