Imibare y’urubuga Worldometers yerekana isegonda ku rindi uko icyorezo cya COVID-19 cyifashe ku Isi, yerekana ko mu gitondo cyo kuri uyu wa 01 Mata iki cyorezo kimaze kwandurwa n’abarenga ibihumbi 859 hirya no hino ku Isi. Abantu bo mu bihugu 203 hirya no hino ku Isi ni bo bamaze kwandura kiriya cyorezo. Mu gitondo cyo kuri iyi tariki ya 01 Mata abari bamaze kwandura COVID-19 ni 859,338 ku Isi, mu gihe abo yari imaze guhitana ari 42,334. Abantu 178,125 ni bo bari bamaze gukira kiriya cyorezo, mu gihe abakikirwaye ari 638,879. Abantu 605,981 bangana na 95% by’abarwaye Coronavirus barwaye byoroheje, mu gihe 32,898 bangana na 5% by’abayirwaye barembye cyane. Worldometers yerekana ko ibihugu bitatu birimo Leta Zunze ubumwe za Amerika, Ubutaliyani na Espagne ari byo bikomeje korekwa cyane na COVID-19. Nko muri Leta zunze ubumwe za Amerika, harabarurwa abarenga 188,000 bamaze kwandura Coronavirus; muri bo hakaba hamaze gupfa 4,054. Mu Butalitani ho harabarurwa abantu 12,428 bishwe na Coronavirus mu barenga 105,000 bayanduye, mu gihe muri Espagne abapfuye bazize kiriya cyorezo ari 8,464 mu bakabakaba 96,000 bamaze kucyandura. Imibare ya Minisiteri y’Ubuzima yerekana ko mu Rwanda abamaze kwandura COVID-19 ari 75 gusa nta n’umwe muri bo kiriya cyorezo cyari cyahitana. Icyitonderwa: Iyi mibare irahindagurika
Uko Imibare ya Coronavirus yifashe kuri uyu wa 01 Mata
Sangiza iyi nkuru
Soma Izindi Nkuru
