Umuyobozi w’Ibiro by’Umukuru w’Igihugu muri Repubulika Iharanira Demukarasi ya Congo, Vital Kamerhe kuri uyu wa 11 Mata 2020 yongerewe igihe cyo kuba ari muri gereza ya Makala afungiwemo.
Umushinjacyaha Mukuru yabanje kwanga ubusabe bwa Vital Kamerhe bwo kurekurwa by’agateganyo, ategeka ko ahubwo yongererwa igifungo, akamara indi minsi 15 muri iyi gereza.
Tariki ya 8 Mata 2020, ni bwo Vital Kamerhe yitabye ihamagara ry’Umushinjacyaha Mukuru ku rukiko rwa Matete ruri mu murwa wa Kinshasa. Mu masaha y’ijoro ategereje umwanzuro ufatwa, Kamerhe yashyiriweho impapuro zimuta muri yombi, yoherezwa muri Gereza ya Makala.
Yari yahamagajwe tariki ya 3 Mata kugira ngo yisobanura ku inyerezwa ry’amafaranga agera kuri miliyoni 200 z’amadolari y’Amerika yateganyijwe mu ishyirwa mu bikorwa ry’umushinga wa Perezida Tshisekedi yise ‘Gahunda y’Iminsi Ijana’.
