Ibihugu birimo gushora imari igaragara muri sisitemu z’ubwirinzi bw’ibitero byo mu kirere mu gihe ubwoba bw’ibitero nk’ibi bugenda bwiyongera. Indege, drone, misile zo mu bwoko bwa cruise missile, missile ballistique ni bike mu byago ubu buryo bw’ubwirinzi bwakorewe mu kuvumbura, gukurikirana, no gusenya. Ukurikije ubushobozi bwabwo, urwego, hamwe n’ikoranabuhanga rigezweho, dore sisitemu 10 za mbere zo kurinda ikirere zihambaye ku Isi hano hasi n’ibihugu byazikoze.
1. S-500 Prometheus (Russia)
U Burusiya bwakoze S-500 Prometheus, imwe muri sisitemu zikomeye zo kurinda ikirere ku Isi, kugira ngo irwanye ibitero bitandukanye byo mu kirere. Hamwe n’ubushobozi bwo kugera muri kilometero 180 mu kirere, ifite ubushobozi bwo guhagarikaibisasu bya missile ballistique, na cruise missile bishobora kugenda ku muvuduko ukubye uw’ijwi inshuro 14 no guhagarikira icya rimwe ibisasu bigera 10 bigenda ku muvuduko udasanzwe harimo n’ibigenda ku muvuduko wa kilometero 7 ku isegonda.
2. S-400 Triumph (Russia)
Iyi ni indi sisitemu ikora neza cyane mu kurinda ikirere yakozwe n’u Burusiya, izwi cyane kubera ubushobozi bwo guhagarika ibitero byinshi byo mu kirere. Hamwe n’ubushobozi bwo kugera kuri kilometero 30 kugeza kuri 56 mu kirere no muri kilometero 400 mu ntera yegereye ubutaka, S-400 ishobora guhagarika neza misile za ballistique, cruise missile, n’indege. Ibipimo bigera kuri 36 bishobora gukurikiranwa no gusenyerwa icyarimwe n’iyi sisitemu.
S-400, ikoreshwa cyane n’u Burusiya kandi yagurishijwe mu bihugu nk’u Bushinwa, u Buhinde, na Turkiya.
3. THAAD (Terminal High Altitude Area Defense) – USA
THAAD yakozwe na Leta Zunze Ubumwe za Amerika ni sisitemu ikomeye yo kurwanya missile ballistique ifite ubushobozi bwo kugera kuri kilometero 200 ku ntera yo hasi na kilometero 150 mu kirere, mu gusama ibisasu. THAAD ihagarika missile za ballistique ikoresheje ingufu za kinetic, bakunze kwita tekinoroji yo gukubita no kwica (Hit to Kill Technology). Iyi sisitemu itanga uburyo bwihuse kandi bwizewe bwo guhagarika igisasu kigenda ku muvuduko ukubye uw’ijwi inshuro 8. Usibye Leta Zunze Ubumwe za Amerika, THAAD yoherejwe ahantu henshi hatandukanye nka Koreya y’Epfo na Leta Zunze Ubumwe z’Abarabu, kandi ikorana na sisitemu ya Patriot na Aegis.
4. David’s Sling (Israel/USA)
Israel na Leta Zunze Ubumwe za Amerika byafatanyije mu kubaka uburyo bugezweho bwo kurinda misile ziraswa mu ntera ngufi ndetse n’intera ndende izwi ku izina rya David’s Sling. Yakozwe kugirango ihagarike neza indege zitagira abadereva, ibisasu bya cruise missiles, missile ballistiques, n’indege. Ni, sisitemu iziba icyuho kiri hagati ya sisitemu ya Iron Dome na Arrow ishobora guhagarika ibisasu bigenda ku muvuduko ukubye uw’ijwi inshuro 7 mu ntera ya kilometero zigera kuri 300.
5. Patriot PAC-3 (Amerika)
Patriot PAC-3 yakozwe n’ikigo cya Raytheon ni uburyo buzwi cyane bw’ubwirinzi bw’ibitero byo mu kirere kandi bwagurishijwe mu mahanga bushobora guhagarika missile ballistiques, cruise missiles, indege z’indwanyi na drones. Mu kirere ishobora kugera muri kilometero 24 km no kuri kilometero 160-170 ku murambararo.
Yakoreshejwe cyane mu ntambara, cyane cyane mu ntambara muri Ukraine, ariko no mu ntambara yo mu kigobe na Irak. Sisitemu ya Patriot, ikoreshwa mu bihugu birenga 17, birimo Arabiya Sawudite, u Buyapani, n’u Budage.
