Kuri uyu wa Kabiri, itariki ya 30 Nzeri, Ambasaderi wa Afurika y’Epfo mu Bufaransa, Emmanuel Mthethwa, yasanzwe yapfiriye, “kuri Hotel Hyatt” kuri 17e arrondissement, mu murwa mukuru hafi ya Arc de Triomphe, nk’uko ubushinjacyaha bwa Paris bwabwiye Le Figaro, bwemeza amakuru yatanzwe na Le Parisien.
Ibimenyetso bya mbere by’iperereza byerekana ko uyu mugabo w’imyaka 58 yaba yishwe anyujijwe mu idirishya akagwa hasi.
Ubushinjacyaha bwagize buti: “Yari yakodesheje icyumba mu igorofa rya 22, idirishya bigaragara ko ryakinguwe ku ngufu.”
Umunsi umwe mbere yaho umugore we yari yamenyesheje ko yabuze. Ubushinjacyaha bwatangaje ko umugore yari yerekanye ko yakiriye ubutumwa bwe buteye inkeke kuri uwo mugoroba.
Brigade ishinzwe guhashya ibyaha byibasira abantu (BRDP) ni yo yashinzwe gukora iperereza.
Emmanuel Mthethwa umwe mu bagize ishyaka ANC riri ku butegetsi, yabaye Minisitiri wa Polisi, Minisitiri w’umuco na Minisitiri wa siporo muri guverinoma za Jacob Zuma na Cyril Ramaphosa hagati ya 2009 na 2023.
