Perezida Donald Trump yatangaje ko amaze ibyumweru bibiri anywa imiti ivura malaria mu rwego rwo kwikingira icyorezo cya Covid-19.
Ibi yabibwiye itangazamakuru mu ngoro ye ya White House aho yavuze ko umuti wa Hydroxychloroquine usanzwe uzwiho kuvura indwara ya Malaria ari wo umufasha kwikingira iki cyorezo. Ni mu gihe ikigo gishinzwe iby’imiti n’imirire muri Leta Zunze Ubumwe za Amerika, FDA,kimaze iminsi kibujije abaturage gukoresha uyu muti kuko utavura Covid-19 ahubwo ko kuwunywa cyane bishobora gutera izindi ngaruka mu mubiri nk’indwara cy’umutima n’izindi.
Trump yanenze ubuyobozi bw’iki kigo bwabujije Abanyamerika kunywa uyu muti kandi ngo we azi neza ko ari ingirakamaro mu kurwanya Coronavirus kuko hari abandi bawufata kandi bakomeye.Yagize ati “Muzatungurwa n’ukuntu hari benshi bawukoresha ndetse abenshi mu bakozi bakomeye hano barawukoresha. Nanjye Hydroxychloloroquine ubu maze ibyumweru bibiri nyifata, buri munsi nywa ikinini kandi ntekereza ko aribwo buryo bwiza kuko nayumviseho amakuru menshi kandi meza.”
Uyu muti wagiye utangazwa na bimwe mu bihugu ko uvura Coronavirus binatangaza ko biwukoresha mu kuvura abarwayi banduye gusa OMS ntiyigeze itangaza koko niba uyu muti wakoreshwa.
Ibi bije nyuma y’uko mu cyumweru gishize byavuzwe ko mu ngoro ya Perezida Donald Trump hashobora kuba hari bamwe mu bakora muri iyi nzu izwi nka White House baba baranduye icyorezo cya coronavirus.
Kugeza ubu Amerika itangaza ko abarenga miliyoni 1.6 bamaze kwandura Covid-19 mu gihe abarenga 92,000 bishwe nayo naho abasaga ibihumbi 360 bakaba bamaze kuyikira.
Perezida Donald Trump yatangaje ko amaze ibyumweru bibiri anywa imiti ivura malaria mu rwego rwo kwikingira icyorezo cya Covid-19.
Ibi yabibwiye itangazamakuru mu ngoro ye ya White House aho yavuze ko umuti wa Hydroxychloroquine usanzwe uzwiho kuvura indwara ya Malaria ari wo umufasha kwikingira iki cyorezo. Ni mu gihe ikigo gishinzwe iby’imiti n’imirire muri Leta Zunze Ubumwe za Amerika, FDA,kimaze iminsi kibujije abaturage gukoresha uyu muti kuko utavura Covid-19 ahubwo ko kuwunywa cyane bishobora gutera izindi ngaruka mu mubiri nk’indwara cy’umutima n’izindi.
Trump yanenze ubuyobozi bw’iki kigo bwabujije Abanyamerika kunywa uyu muti kandi ngo we azi neza ko ari ingirakamaro mu kurwanya Coronavirus kuko hari abandi bawufata kandi bakomeye.Yagize ati “Muzatungurwa n’ukuntu hari benshi bawukoresha ndetse abenshi mu bakozi bakomeye hano barawukoresha. Nanjye Hydroxychloloroquine ubu maze ibyumweru bibiri nyifata, buri munsi nywa ikinini kandi ntekereza ko aribwo buryo bwiza kuko nayumviseho amakuru menshi kandi meza.”
Uyu muti wagiye utangazwa na bimwe mu bihugu ko uvura Coronavirus binatangaza ko biwukoresha mu kuvura abarwayi banduye gusa OMS ntiyigeze itangaza koko niba uyu muti wakoreshwa.
Ibi bije nyuma y’uko mu cyumweru gishize byavuzwe ko mu ngoro ya Perezida Donald Trump hashobora kuba hari bamwe mu bakora muri iyi nzu izwi nka White House baba baranduye icyorezo cya coronavirus.
Kugeza ubu Amerika itangaza ko abarenga miliyoni 1.6 bamaze kwandura Covid-19 mu gihe abarenga 92,000 bishwe nayo naho abasaga ibihumbi 360 bakaba bamaze kuyikira.
