Idris Sultan, umunyarwenya wabigize umwuga muri Tanzania yatawe muri yombi akurikiranyweho ibyaha byifashishije ikoranabuhanga.
Tariki 19 Gicurasi 2020 ni bwo yatawe muri yombi na Polisi yo mujyi wa Dar es Salaam.
Igitangazamakuru Global Publishers cyavuzeko uyu mugabo akurikiranyweho ibyaha yakoreye kuri murandasi gusa polisi ntiyabisobanuye mu buryo burambuye.
Mu Kwakira 2019 nabwo yatawe muri yombi akurikiranyweho gufata ifoto ya Perezida Magufuli akayishyiraho umutwe we.
Idris Sultan ni umunyarwenya uzwi cyane muri Tanzania, ndetse yegukanye irushanwa rya Big Brother Africa 2014.
