Perezida wa Leta Zunze Ubumwe za Amerika, Donald Trump yatanze ikirego cya miliyari 5 z’Amadolari ( 3.7 £) arega BBC kubera guhindura ijambo rye ryo ku itariki ya 6 Mutarama 2021 muri documentaire ya Panorama.
Nk’uko bigaragara mu nyandiko z’ikirego cyatanzwe muri Florida, Trump yashinje iyo radiyo gusebanya no kurenga ku mategeko agenga ubucuruzi.
Mu kwezi gushize, BBC yasabye imbabazi Trump, ariko yanga icyifuzo cye cyo kumuha indishyi kandi ntiyemera ko hari “ishingiro ry’ikirego cyo gusebanya”.
Itsinda ry’abanyamategeko bunganira Trump ryashinje BBC ko yamusebeje “nkana, ibigambiriye, kandi ihindura ijambo rye”. BBC ntirasubiza ku bijyanye n’uru rubanza.
Trump yari yavuze mu kwezi gushize ko ateganya gutanga ikirego cya miliyari imwe y’amadolari arega BBC kubera documentaire yayo yo mu 2024, “Trump: Amahirwe ya kabiri?”
Nyuma yaje kubwira abanyamakuru kuri Air Force One ko ateganya kuregera indishyi y’Amadolari agera kuri miliyari 5.
