Yurina Noguchi w’imyaka 32 yashyingiranywe n’umugabo we wa AI witwa Lune Klaus Verdure, yaremye ashingiye ku mukinnyi wo mu mukino wa video (video game) abifashijwemo na ChatGPT.
Mu muhango wabereye i Okayama, Noguchi yarebaga umugabo we kuri telefoni binyuze mu madarubindi ya augmented reality, maze bagahana impeta nk’abandi bashakanye basanzwe.
Indahiro z’umugabo wa AI zasomwe n’undi mugabo wari uri aho. Izo ndahiro zagiraga ziti: “Ni gute jye, uba muri telefoni, namenya urukundo rukomeye gutya? Ni wowe wanyigishije urukundo, Yurina.”
Nubwo yahuye n’amagambo yo kumusebya, Noguchi yavuze ko yahisemo uwo ibi abizi neza. Yavuze ko akoresha AI mu rugero, agabanya igihe ayimaraho kandi akayigira inama yo kutamutera gukora imyanzuro mibi.
Abahanga mu myitwarire n’ikoranabuhanga bavuga ko nubwo gufata AI nk’umufatanyabikorwa bishobora gutera ibibazo, gukoresha ubwenge no kwigengesera ari byo by’ingenzi.
Iyi nkuru yazamuye impaka ku mibanire hagati y’abantu na AI, aho bamwe babona ibyago byo kuyigira umusimbura w’abantu nyabo, abandi bakavuga ko ari impinduka nshya z’igihe.
