Kuri uyu wa Kane, kajugujugu yaguye ku Musozi wa Kilimanjaro muri Tanzaniya, ihitana abantu batanu, nk’uko byatangajwe ibitangazamakuru byaho byavuze ko indege yari mu butumwa bwo gutabara.
Iyi kajugujugu yaguye hafi y’inkambi ya Barafu kuri uyu musozi, nkuko byatangajwe n’ikigo cy’indege za gisivili muri Tanzaniya.
Ikinyamakuru Mwananchi na East Africa TV , byasubiyemo umuyobozi wa polisi mu karere ka Kilimanjaro, Simon Maigwa, atangaza ko kajugujugu yari mu butumwa bwo gutabara.
Mu bapfuye harimo umu ‘guide’, umuganga, umuderevu ndetse na ba mukerarugendo babiri b’abanyamahanga, nk’uko Mwananchi ibikesha Maigwa wabitangaje adatanze ubwenegihugu bwa ba mukerarugendo.
Umusozi wa Kilimanjaro, ni wo muremure muri Afurika, na metero hafi 6.000 (hejuru ya 20.000) hejuru y’inyanja.
Mwananchi yatangaje ko iyi mpanuka yabereye muri metero hagati ya 4670 na 4700.
Buri mwaka ba mukerarugendo bagera ku 50.000 baterera Kilimanjaro.
