Kuri iki Cyumweru, itariki 8 Gashyantare 2026, habaye imirwano ikaze mu midugudu myinshi yo mu misozi ya Minembwe muri Teritwari ya Fizi, Intara ya Kivu y’Amajyepfo, mu burasirazuba bwa Congo.
Muri kariya gace, gatuwe cyane cyane n’Abanyamulenge bake, amakuru ahaturuka avuga ko Ingabo z’igihugu cya Repubulika ya Demokarasi ya Congo (FARDC), zishyigikiwe n’inyeshyamba za Wazalendo n’Ingabo z’u Burundi, zagabye ibitero hakoreshejwe drones n’intwaro ziremereye.
Iyi nkuru irakomeza ivuga ko mu midugudu yibasiwe harimo Kakenge, Rugezi, Kalingi, na Point Zéro.
Muri kano karere, ihuriro ry’ingabo zishyigikiye Kinshasa rirwana, n’umutwe wa Twirwaneho, umutwe witwaje intwaro ugizwe ahanini n’urubyiruko rw’Abanyamulenge kandi wunze ubumwe na M23.
Abasivili bahunze bavuze ko ibyo bisasu byibasiye uduce dutuwe, bigahitana abantu ndetse bigakomeretsa benshi, ariko biracyagoye kumenya imibare nyayo.
