Kuri uyu wa Kane, itariki 19 Gashyantare, umunyamakuru wa DW, Alican Uludag, yafatiwe i Ankara muri Turkiya, ajyanwa ku cyicaro gikuru cya polisi mu Ntara ya Istanbul.
Uludag, umaze imyaka itari mike akorera DW muri Turkiya, byari biteganijwe ko yitaba umucamanza kuri uyu wa Gatanu.
Iyi nkuru dukesha DW ubwayo, ivuga ko abapolisi bagera kuri 30 bafatiye Uludag imbere y’umuryango we, ndetse inzu ye irasakwa ibikoresho by’ikoranabuhanga birafatirwa.
Uludag arashinjwa “gukwirakwiza amakuru ayobya rubanda,” “gutuka perezida,” no “gutuka igihugu cya Turkiya, leta, n’inzego.”
Ibi birego bivugwa ko bifitanye isano n’ubutumwa yashyize kuri X mu mwaka umwe n’igice ushize. Muri ubwo butumwa, anenga ingamba zafashwe na Guverinoma ya Turkiya ngo zatumye harekurwa abantu bashobora kuba ari ibyihebe bya “Leta ya Kisilamu”.
Yashinje kandi guverinoma ruswa.
Nk’umunyamakuru umaze igihe, Uludag akora inkuru ku ihonyorwa ry’uburenganzira bwa muntu, ku manza za ruswa, n’imanza zigera ku bantu benshi. Umuyobozi mukuru wa DW, Barbara Massing, yasabye ko Uludag kurekurwa.
