Ikipe ya Simba Sports Club yo mu gihugu cya Tanzania, yatangaje ko yamaze gutandukana n’Umunyarwanda Thierry Hitimana wari umutoza wayo wungirije.
Simba mu itangazo yasohoye yavuze ko yatandukanye n’uyu mutoza ku bwumvikane, imushimira akazi yari amaze kuyikorera.
Thierry Hitimana yari umutoza wungirije wa Simba Sports Club mu mezi atatu n’iminsi 20 yari ishize.
Simba Sports Club yamuhaye akazi mu rwego rwo kuyifasha mu mikino ya CAF Champions league yarimo, bijyanye n’uko Umufaransa Didier Gomes da Rosa wari umutoza wayo yari adafite ibya ngombwa bimwemerera gutoza uyu mukino.
Umutoza Didier Gomes amaze kwirukanwa Thierry Hitimana yasigaranye Simba nk’umutoza wayo w’agateganyo, mbere yo gusimburwa n’umunya-Espagne Pablo Flanco Martin.
Amakuru avuga ko umutoza Thierry Hitimana ashobora gusubira mu kipe ya Namungo FC yahoze abereye umutoza mukuru.
