Kassoum Tapo wabaye Minisitiri w’Ubutabera wa Mali yatangaje ko Ibrahim Boubacar Keita (IBK) wahiritse n’abasirikare bari ku butegetsi bayobowe na Colonel Assimi Goïta yapfuye.
Nk’uko Tapo yabibwiye ibiro ntaramakuru by’Abongereza, Reuters, IBK yapfiriye mu murwa mukuru wa Mali, Bamako kuri uyu wa 16 Mutarama 2022, gusa impamvu y’urupfu rwe ntiyayitangaje.
Aya makuru kandi yemejwe n’umwe mu bagize umuryango wa IBK watangarije ibiro ntaramakuru by’Abafaransa, AFP, ati: “Perezida IBK yapfuye mu gitondo saa tatu (ku isaha ya GMT), mu rugo i Bamako.”
IBK yabaye Perezida wa Mali kuva mu 2013 kugeza tariki ya 19 Kanama 2020 ubwo yahirikwaga na Col. Goïta waje guhirika na Bah Ndaw wari wamusimbuye by’agateganyo.
