Ikigo cy’igihugu gishinzwe ibarurishamibare (NISR)cyatangaje ko mu Rwanda umusaruro rusange w’imbere mu gihugu (GDP) wiyongereyeho 10% mu gihembwe cya gatatu cya 2022 bitewe n’uko ibikorwa by’inganda byagarutse .
GDP yiyongereyeho 10% mu gihembwe cya 3 cya 2022 mu gihe yazamutse ku rugero rwa 7.5% mu gihembwe cya kabiri ndetse na 7.9% mu gihembwe cya mbere.
Muri raporo yacyo yasohotse kuri uyu wa Mbere, itariki 19 Ukuboza 2022, Ikigo cy’igihugu gishinzwe ibarurishamibare gisobanura ko ubukungu bw’u Rwanda bukomeje kwiyongera nubwo ubukungu bwifashe nabi muri rusange ku Isi.
Mu gihembwe cya gatatu cya 2022, GDP ku giciro ku isoko irabarirwa kuri miliyari 3.583 z’’amafaranga y’u Rwanda, ugereranije na miliyari 2.758 frw yinjiye mu gihembwe nk’iki mu mwaka ushize wa 2021.
Amakuru yerekana ko muri iki gihembwe, serivisi zatanze 47% bya GDP, ubuhinzi 24%, inganda 21% na 8% yatewe no guhindura imisoro n’inkunga ya leta ku bicuruzwa.
Ku buhinzi, umusaruro w’ibiribwa wagabanutseho 1% kimwe n’umusaruro w’ibicuruzwa byoherezwa mu mahanga wagabanutseho 1%.
Ku bijyanye n’inganda, umusaruro rusange wagabanutseho 1% kandi watanze amanota 0.2 ku ijana muri rusange mu kuzamuka kw’umusaruro mbumbe.
Kugabanuka kw’ibikorwa by’inganda ahanini byatewe no kugabanuka ku rugero rwa 17% kw’bikorwa by’ubwubatsi.
