Kuri uyu wa Gatanu, abarwanyi 67 b’umutwe wa al-Shabab biciwe mu gikorwa cya gisirikare cyabereye mu mujyi wa “Ail Baad” mu karere ka Shabelle yo Hagati muri Somaliya .
Ibi byavuzwe n’umuyobozi w’ingabo zirwanira ku butaka, Mohamed Tahlil Bahyi, mu ijambo rye kuri radiyo “Ijwi ry’ingabo” (Voice of the Army).
Ati: “67 muri bo bapfuye abandi benshi barakomereka”.
Yongeyeho ko ingabo za Somaliya zabonye uduce abarwanyi b’uyu mutwe bacitse ku icumu bahungiyemo, kandi ko bakomeza ibikorwa byo kubashakisha kugira ngo bababone.
Uyu muyobozi wa gisirikare kandi nk’uko tubikesha Ibiro Ntaramkuru bya Turkiya, yerekanye ko iki gikorwa cy’umutekano cyakozwe ku bufatanye n’imitwe yitwaje ibirwanisho y’abanyagihugu ifsha ingabo za leta kandi bifashishije drone.
Kuri uyu wa Kane, ingabo za Somaliya zatangaje ko zabohoje umujyi wa nyuma wo mu karere ka Shabelle yo Hagati, nyuma yo kuhava kw’abarwanyi ba Al Shabaab.
Kuva muri Nyakanga umwaka ushize, ingabo za leta ya Somaliya, ku bufatanye n’imitwe yitwara gisirikare y’abanyagihugu, bakomeje ibikorwa bya gisirikare byo kurwanya umutwe wa al-Shabab, aho benshi mu barwanyi bawo kandi uturere twinshi bari barigaruriye tukabohozwa.
Somaliya imaze imyaka itari mike irwana n’inyeshyamba za al-Shabab, umutwe witwaje intwaro washinzwe mu ntangiriro za 2004, kandi ukaba ufitanye isano n’umutwe w’iterabwoba wa al-Qaeda.
