Minisitiri w’Intebe w’u Burundi, Lt Gen de Police Gervais Ndirakobuca, yasuye umubyeyi wo muri iki gihugu wibarutse impanga z’abana batandatu icya rimwe.
Ku wa Gatanu tariki ya 23 Ukuboza 2022 ni bwo Gen Ndirakobuca yasuye uyu mubyeyi wo mu ntara ya Kamenge.
Uyu mubyeyi witwa Johali Mugishimana, aheruka kubyarira abana batandatu mu bitaro bya gisirikare bya Kamenge. Aba bana uko ari batandatu bavutse imburagihe ku mezi arindwi, gusa inzego inzego z’ubuzima mu Burundi zivuga ko bose bamerewe neza.
Mu byo Gen Ndirakobuca yageneye uyu mubyeyi, harimo ibyo kurya, ibikoresho bitandukanye ndetse na miliyoni 5 z’amafaranga y’Amarundi.
