Guverinoma y’u Rwanda yongeye kwerekana ko ihangayikishijwe n’ifungwa ry’abaturage bayo babiri baregwa kuba intasi muri Repubulika ya Demokarasi ya Congo .
Muri Kanama, abaturage babiri bo mu Rwanda, Juvenal Nshimiyimana na Moses Mushabe, bakorera umuryango udaharanira inyungu ufite icyicaro i Geneve, batawe muri yombi muri n’ikigo cy’igihugu gishinzwe iperereza muri Congo (ANR).
Kuri uyu wa Gatanu, itariki ya 30 Ukuboza, Yolande Makolo, umuvugizi wa guverinoma, mu itangazo yahaye BBC, yavuze ko ifungwa rya Nshimiyimana na Mushabe ari urugero rw’ukuntu “abayobozi ba Congo badashobora kuryozwa amakosa yabo … batunga urutoki abandi bantu bo hanze. ”
Makolo yagize ati: “U Rwanda ruhangayikishijwe n’abaturage barwo babiri, Dr Juvenal Nshimiyimana na Moses Mushabe, bombi bakaba ari abakozi b’umuryango African Health Development, bafungiye i Kinshasa kuva ku ya 30 Kanama 2022.”
Nshimiyimana ni umuyobozi ku rwego rw’igihugu wa AHDO muri Repubulika ya Demokarasi ya Congo. Yabanje kuba umuyobozi w’agateganyo wa UNAIDS. Mushabe ni umuyobozi ku rwego rw’intara wa AHDO muri Tshikapa, umurwa mukuru w’intara ya Kasai, mu majyepfo y’igihugu .
Mu Gushyingo, Minisitiri w’ububanyi n’amahanga Dr. Vincent Biruta yandikiye mugenzi we wa Congo, Christophe Lutundula, asaba ko Abanyarwanda bombi barekurwa nta shiti.
Mu ntangiriro z’iki cyumweru ariko, Guverinoma ya Kinshasa yerekanye abagabo bane barimo Nshimiyimana na Mushabe, bashinjwa kuba intasi z’u Rwanda kandi ko “bacengeye” mu ngabo za Congo ndetse no mu banyapolitiki.
Makolo ati: “Abayobozi badashoboye kubazwa ibyo bananiwe bazashaka gukurura amacakubiri ashingiye ku moko no gutunga urutoki ingabo z’amahanga zitari nziza.”
Yongeyeho ati: “Nta muntu n’umwe wo mu karere k’ibiyaga bigari ufite igitekerezo cyo kumenya aho ibyo biganisha cyangwa ukuntu igiciro ari kinshi. Amahanga akwiye kwitondera kandi akaryoza abayobozi ba DRC uku kwiyongera. ”
Umubano w’u Rwanda na Repubulika ya Demokarasi ya Congo wifashe nabi muri uyu mwaka nyuma y’uko Kinshasa ishinje Kigali gushyigikira inyeshyamba za M23. U Rwanda rwahakanye ibyo birego.
Amakimbirane ya dipolomasi yarushijeho kwiyongera mu Kwakira igihe intumwa y’u Rwanda i Kinshasa yirukanwaga.
Guverinoma y’u Rwanda yashinje Congo Kinshasa gufatanya n’inyeshyamba za FDLR, ibisigisigi by’abagize uruhare muri Jenoside yakorewe Abatutsi mu 1994, mu kurasa ku butaka bw’u Rwanda. Mu bihe nk’ibi biheruka, ibisasu bibiri bya roketi byaturutse muri Congo byageze mu Murenge wa Kinigi, mu Karere ka Musanze ku ya 10 Kamena.
Vuba aha kandi, indege y’intambara ya Congo ku ya 28 Ukuboza yavogereye ikirere cy’u Rwanda, ibintu Kinshasa ihakana, ku nshuro ya kabiri nyuma y’uko indi ndege y’intambara ya Sukhoi-25 yaguye mu gihe gito ku kibuga cy’indege cya Rubavu, ku ya 7 Ugushyingo.
Kigali yavuze ko ibi bikomeje kuba binyuranyije n’ingufu akarere gashyira mu gushaka kugaura umubano mwiza hagati y’ibihugu byombi.
