Ikipe ya Young Africans yo yanditse amateka yo kugera bwa mbere ku mukino wa nyuma wa CAF Confederation Cup, nyuma yo gutsinda Marumo Gallants yo muri Afurika y’Epfo ku giteranyo cy’ibitego 4-2.
Iyi kipe yo muri Tanzania yari yasuye Marumo Gallants, mu mukino wo kwishyura wa ½ cy’irangiza warangiye iyitsindiye imbere y’abafana bayo ibitego 2-1.
Ni Yanga kandi yari yatsinze ibitego 2-0 mu mukino ubanza wabereye i Dar es Salaam mu cyumweru gishize.
Ibitego by’umukongomani Fiston Kalala Mayele cyo kimwe n’umunya-Zambia Kennedy Musonda ni byo byafashije Young Africans kugera bwa mbere ku mukino wa nyuma wa Confederation.
Ni umukino izahuriraho n’ikipe iri burokoke hagati ya USM Alger yo muri Algérie na Asec Mimosa yo muri Côte d’Ivoire.
