Minisiteri y’Ubuzima muri Sudani yatangaje kuri uyu wa Gatatu, ko byibuze abasivili 34 bahitanwe n’ibisasu byarashwe nta kurobanura mu isoko ryo mu mujyi wa Omdurman, mu burengerazuba bw’umurwa mukuru Khartoum .
Minisiteri mu itangazo rigufi yavuze ko abana benshi bari mu bahohotewe.
Ababibonye bavuga ko igitero cyabaye ku isaha ya saa mbiri za mu gitondo ku isaha yaho (0600GMT) kuri uyu wa Kabiri ushize kimara amasaha atatu.
Bavuze ko benshi mu bapfuye ari abacuruzi ndetse n’abatwara ibinyabiziga bitwara abagenzi.
Uwihishe inyuma y’icyo gitero nk’uko iyi nkuru dukesha Anadolu Agency ntaramenyekana neza.
Kugeza ubu nta bisobanuro byatanzwe n’igisirikare cya Sudani cyangwa umutwe witwara gisirikare wa Rapid Support Force (RSF) kuri ayo makuru.
Abaganga bo muri ako gace bavuga ko imirwano hagati y’Igisirikare cya Sudani na RSF kuva muri Mata, yahitanye abasivili bagera ku 3.000 ikomeretsa ibihumbi.
