Kuri uyu wa Mbere, itariki 31 Nyakanga, mu izina ry’Umugaba mukuru w’ingabo, Umuyobozi w’ingabo zirwanira ku butaka za RDF, Maj Gen Vincent Nyakarundi hamwe n’umuyobozi mukuru wungirije wa polisi ushinzwe ibikorwa, CP VB SANO bahaye impanuro Ingabo z’u Rwanda n’abapolisi berekeje muri Cabo Delgado, muri Mozambike gusimbura bagenzi babo .
Ingabo ziyobowe na Maj Gen Alexis Kagame zahagurutse uyu munsi ni igice cy’ingabo zibarirwa mu 2000 zifite icyicaro mu Ntara ya Cabo Delgado.
Mbere yo kugenda, Maj Gen Nyakarundi yashimangiye akamaro ko gukomeza urwego rwo hejuru rw’ubwitange, ikinyabupfura, no kwicisha bugufi mu gihe bakorera abaturage ba Cabo Delgado.
Kohereza izi ngabo ni igisubizo cy’umubano ukomeye w’ibihugu byombi hagati ya Repubulika yu Rwanda na Repubulika ya Mozambike.
