Perezida Evariste Ndayishimiye w’u Burundi ku wa Mbere yakoze impinduka muri Guverinoma y’igihugu cye zasize avanye mu mirimo ba Minisitiri bane.
Abavanwe mu mirimo nk’uko bigaragara mu iteka rya Perezida Ndayishimiye ryo Ku wa Mbere tariki ya 2 Ukwakira, barimo Sylivie Nzeyimana wari Minisitiri w’Ubuzima. Uyu yahise asimburwa n’uwitwa Lyduine Baradahana.
Undi wakuwe mu mirimo ni Sanctus Niragira wari Minisitiri w’Ibidukikije, Ubuhinzi ndetse n’Ubworozi. Yasimbuwe na Prosper Dodiko.
Perezida Evariste Ndayishimiye yanirukanye Déo Rusengwamihigo wari Minisitiri w’abakozi ba Leta n’Umurimo, amusimbuza Vénuste Muyabaga.
Ni mu gihe Gervais Abayeho yagizwe Minisitiri Ushinzwe ukwishyira hamwe kw’akarere ka Afurika y’Iburasirazuba (EAC), Urubyiruko, Umuco na Siporo asimbuye à‰zéchiel Nibigira.
