Perezida w’umutwe wa M23, Bertrand Bisimwa, yazamuye mu ntera abasirikare bawo barimo Major Willy usanzwe ari umuvugizi wawo mu bya gisirikare wagizwe Lieuténant-Colonel.
Ku wa Kabiri tariki ya 23 Mutarama ni bwo aba basirikare bazamuwe mu ntera nk’uko itangazo ryashyizweho umukono na Bisimwa ribigaragaza.
Usibye Willy Ngoma wazamuwe mu ntera, abandi bazamuwe harimo Colonel Gacheri Musanga Justin wagizwe Général de Brigade, mu gihe ba Lieuténant-Colonel Nzanze Nzamuye Jimmy na Karangwa Bihire Justin bagizwe ba Colonel.
Hazamuwe mu ntera kandi Nsengiyumva Mutekano Innocent, Mbanjimbere Innocent, Makomari Ruben, Kasongo Papy na Mwiseneza Gakwaya Christian bagizwe ba Lieuténant-Colonel bavanwe ku rwego rwa ba Major.
Abandi ni Sebuntu Kabagema Réonard, Mushikiwabo Louise, Mubibya Innocent, Irumva Justin, Byamungu Dieudonné, Kagabo Jacques, Kalinda James, Ndayishimiye Théogène na Byiringiro Bienvenu bagizwe ba Sous-Lieuténant mu gisirikare cya M23.
