Igisirikare cya Sudani mu itangazo ryacyo kuri uyu wa Kabiri cyatangaje ko cyafashe icyicaro gikuru cya radiyo na televiziyo by’igihugu byagenzurwaga n’inyeshyamba za Rapid Support Force (RSF).
Icyicaro gikuru kiri i Omdurman, hakurya ya Nili uva Khartoum ndetse n’igice kinini cy’umurwa mukuru wa Sudani.
Nta bisobanuro byatanzwe na RSF nk’uko iyi nkuru dukesha Ibiro Ntaramakuru by’Abongereza, Reuters, ikomeza ivuga.
Intambara hagati y’ingabo za Sudani na RSF yatangiye hagati muri Mata 2023 mu gihe hari amakimbirane ashingiye ku gusubiza ubutegetsi mu maboko y’abasivili.
Impande zombi zihanganye zafatanyije mu ihirika ry’ubutegetsi ryo mu yatesheje agaciro inzibacyuho yakurikiye ihirikwa ry’ubutegetsi ry’umunyagitugu, Omar al-Bashir mu 2019.
