Kuri uyu wa Gatandatu tariki ya 23 Ugushyingo 2024 ,Ikipe ya Simba sports Club yo mu Gihugu cya Tanzania,yamenyesheje abakunzi bayo ko yatandukanye n’Umunyarwanda wari umuyobozi Mukuru ushinzwe ibikorwa by’iyo kipe .
Iyi kipe ikunzwe muri Tanzania,ibinyujije ku mbuga nkoranyambaga zayo , iyi kipe ibarizwa ahitwa Kariokoo mu mujyi wa Dar- es- salaam,yatangaje ko ,Uwayezu Francois Regis Umuyobozi Mukuru wari ushinzwe ibikorwa byayo yasimbuwe by’agateganyo na Madamu Zubeda Hassan Sakuru
Iyi kipe itandukanye n’umuyobozi na Uwayezu habura iminsi 3 ngo yuzuze amezi ane agizwe umuyobozi Mukuru ushinzwe ibikorwa muri Simba .
Tariki ya 26 Nyakanga 2024 nibwo hamenyekanye amakuru ko uwari wungirije umuyobozi wa APR F.C ariwe wasimbuye Imani Kajula wari weguye mu nshingano zo kuyobora ibikorwa bya Simba Sports Club nk’Umuyobozi Mukuru ushinzwe ibikorwa byayo .
Tariki ya 1 Kanama 2024 ,nibwo Uwayezu yatangiye akazi bivuga ko yaburaga icyumweru kimwe kugira ngo yuzuze amezi ane ari umukozi wa Simba sports club.
Mohammed Dewji uyobora Inama y’Ubutegetsi ya Simba sports club ubwo yatangazaga ko Uwayezu yahawe akazi ,yari yavuze ko ubuyobozi bw’iyi kipe bufite icyizere ko Uwayezu azayifasha gukomeza kuba ikipe ifite igitinyiro muri Ruhago kubera kugira ubushobozi ,ubunararibonye mu mupira w’amaguru.
Yagize Ati”Umuyobozi Mukuru mushya wa Simba Sports Club, ubumenyi bwagutse bwa Regis ;ubunararibonye mu mupira w’ amaguru, ubuyobozi ,ibaruramari, nta gushidikanya ko bizageza ikipe kure.
Nubwo Simba sports club yatangaje ko yatandukanye na Uwayezu ntiyatangaje niba yirukanwe cyangwa habayeho gusesa amasezerano bari bafitanye .
Zubeda Hassan Sakuru yasimbuye Uwayezu ku mwanya w’Umuyobozi Mukuru wa Simba sports club.
