Ku cyumweru Tariki ya 24 Ugushyingo 2024 , uwahoze ari umwalimu wigishaga amateka utavugaga rumwe n’Ubutegetsi niwe wabaye Perezida wa Repubulika ya Uruguay nyuma yo gutsinda ibyiciro cy’amatora yabaye muri icyo Gihugu .
Yamandu Orsi w’imyaka 57 , usanzwe ari Inkoramutima ya Jos? Mujica, wabaye Perezida wa Uruguay kuva 2015 kugeza 2020 . Orsi wari uhagarariye ishyaka rya Frente Amplio wagize amajwi 49,8% yatsinze amatora ahigitse uwo baribahanganye Alvaro Delgado wagize amajwi 45,9% .
Nyuma y’uko atsinze amatora , Ihuriro ry’abatavuga rumwe n’Ubutegetsi,Frente Ampelio ryatsindiye kuyobora Leta ya Uruguay nyuma y’imyaka 4 amatora atsinzwe na Luis Lacalle Pou wasimbuye Jose Pepe Mujica,umukambwe w’imyaka 89 wavuye ku butegetsi kubera uburwayi bwa kanseri .
Mu Ijambo yavuze nyuma yo gutorwa , Perezida Yamandu Orsi yijeje Abanya – Uruguay ko azakora ibishoboka akazahura ubukungu bw’Igihugu cyabo .
Perezida Orsi yatsinze amatora mu cyiciro cya Kabiri n’amajwi 49.8 ,mu gihe tariki ya 27 Ukwakira 2020 nabwo yari yagize amajwi 43,9 atsinda abo bari bahanganye barimo uwahoze ari umuganga w’amatungo Alvaro Degaldo wagize amajwi 26,8% mu gihe Umukandida Ojeda utarakomeje mu cyiciro cya Kabiri we yari yagize amajwi 16%.
Perezida wa Brasil Luiz Inacio LuLa da Silva , abinyujije ku rukuta rwe rwa X ,yagaragarije Yamandu Orsi na Jose Pepe Mujica ko yashimiye intsinzi y’umukandida wari uhagarariye ihuriro ry’abatavuga rumwe n’Ubutegetsi anavuga ko ari intsinzi ya Amerika yose y’Epfo na Carabe .
Mu bandi bishimiye intsinzi ya Perezida Yamandu Orsi barimo Perezida wa Argentine Javier Gerardo wabinyujije kuri Minisitiri w’Ububabanyi n’amahanga wanditse ubutumwa bw’ishimwe ku rukuta rwe rwa X avuga ko Abanya Argentine bishimiye ko yatsinze amatora .
Perezida Yamandu Orsi yavutse ku wa 13 Kamena 1967, akaba agiye ku butegetsi afite imyaka 57 y’amavuko .
