Umukinnyi w’ikipe y’igihugu ya Uganda, Uganda Cranes, ndetse na Kitara FC, Denis Omedi, ari guhatanira igihembo cya FIFA Puskás Award cya 2024, nyum y’igitego yatsinze muri mu mikino ya FUFA Super 8 ahanganye na KCCA FC cyatoranyijwe nka kimwe mu bitego byiza bizahatana muri 2024.
Ku itariki 26 Kanama 2023, Omedi yatsinze igitego kidasanzwe mu minota icumi ya mbere, umukino uza kurangira ari ibitego 3-3.
Si Omedi ugiye guhatanira iki gihembo bwa mbere aturutse muri Uganda ahubwo mwaka wa 2023, mu mukino wa Uganda Cup, Bright Anukani wahoze akinira Vipers yatsinze igitego cyiza avuye ku ruhande rw’inyuma agitsinda Soltilo Bright Stars, igitego cyemejwe na FIFA, ariko ntiyakomeje guhatanira iki gihembo.
Igitego cya Omedi kigiye guhangana n’ibindi bitego byiza byatsinzwe n’abakinnyi b’ibyamamare nka Alejandro Garnacho wa Manchester United, watsinze igitego cyiza akoresheje ikirenge ku mukino wa Everton.
Omedi aramtse atsindiye iki gihembo, yaba abaye umukinnyi wa kabiri utsindiye iki gihembo ku gitego cyatsinzwe mu buryo bwa “rabona” nyuma ya Erik Lamela wahoze akinira Tottenham, wagitsindiye mu 2021 bakina na Arsenal.
Ibihembo bya FIFA Puskás Award 2024 bizatoranywa n’amajwi y’abafana hamwe n’akanama k’abahanga mu mupira w’amaguru.
Abakinnyi 11 bahataniye iki gihembo cya FIFA Puskás Award muri 2024 ni:
– Denis Omedi
– Hassan All Haydo
– Terry Antoni
– Yassine Benzia
– Walter Bou
– Michaell Chirinos
– Federico Dimarco
– Alejandro Garnacho
– Mohammed Kudus
– Paul Onuachu
– Jaden Philogene
