Marina yanyomoje amakuru yari amaze iminsi avugwa ku mbuga nkoranyambaga avuga ko yibagishije kugira ngo yongere ikibuno, avuga ko ibyo byavuzwe bitari ukuri kandi ko byamubabaje cyane. Yavuze ko abantu babihimbye, ashimangira ko ibyo bamuvuzeho byari ibinyoma.
Ibi Marina yabigarutseho mu kiganiro yagiranye n’itangazamakuru nyuma yo gutaramira abakunzi be mu Karere ka Rubavu, ku wa 30 Ugushyingo 2024. Yavuze ko yarwaye malaria, ariko abantu babihinduye bakavuga ibindi. Yongeyeho ko atigeze ajya mu bikorwa byo kongerera ikibuno, avuga ko Imana yamurinze.
Marina kandi yavuze ko yananutse, akavuga ko ari ibintu bisanzwe mu buzima, aho yavuze ko nubwo abantu bavuze ko yazanye ikibuno, we azi ko yananutse. Yashimangiye ko ibyo bamuvuzeho byose byari ibinyoma, ndetse yijeje abakunzi be ko azabasangiza indirimbo nshya mu minsi iri imbere.
Marina yari umwe mu bahanzi bitabiriye igitaramo cyo kurwanya agakoko gatera SIDA, cyabereye mu Karere ka Rubavu, aho yataramiye hamwe na Riderman, Platini, Juno Kizigenza na Niyo Bosco.
