Jean Jacques Boissy wahoze akinira REG BBC na Aliou Diarra wakiniye APR BBC batoranyijwe mu bakinnyi bazakina NBA G-League, shampiyona ya kabiri muri Leta Zunze Ubumwe za Amerika.
Aliou Diarra wigaragaje cyane muri shampiyona y’u Rwanda no mu mikino ya BAL (Basketball Africa League), yatoranyijwe n’ikipe ya Texas Legends.
Jean Jacques Boissy yashimwe na Memphis Hustle kubera ubuhanga n’ubunararibonye yagaragaje mu marushanwa yo ku rwego rwa Afurika.
Mu bakinnyi 17 bonyine bakomoka hanze ya Amerika batoranyijwe gukina muri iyi shampiyona, abakinnyi bombi babaye bamwe mu bahagarariye Afurika, bityo u Rwanda rubona ishema ryo kugira abahoze mu makipe yaho barenga imbibi.
NBA G-League ni inzira ikomeye ijyana abakinnyi mu rwego rwo hejuru muri NBA, bikaba byitezwe ko aba bombi bazakomeza kwitwara neza no guhagararira neza umugabane wa Afurika.
