Minisiteri y’Ubuzima mu Rwanda kuri uyu wa 21 Nyakanga 2020 yatangaje ko abamaze kwandura icyorezo cya Covid-19 biyongereyeho 26 mu bipimo 7039 byafashwe.
Abarwayi 24 bapimiwe mu duce tw’Umujyi wa Kigali turi kwitabwaho by’umwihariko, harimo n’imidugudu iri mu kato. Abandi 2 ni abo mu Karere ka Kirehe.
Abamaze gukira iki cyorezo bageze kuri 848 barimo 10 b’uyu munsi.
Muri rusange abamaze kugaragaraho iki cyorezo mu Rwanda ni 1655, abakirwaye bageze kuri 802. Ibipimo byose byafashwe ni 221,039.
Batanu ni bo kimaze kwicira mu Rwanda barimo umusaza w’imyaka 65 y’amavuko, umupolisi w’imyaka 24 y’amavuko, umusirikare w’imyaka 51 y’amavuko, umusaza w’imyaka 78 y’amavuko n’umukecuru w’imyaka 88 y’amavuko.
