Abarwanyi ba Twirwaneho bakuriwe na Koloneli (Col.) Michel Rukunda uzwi nka Makanika kuwa Gatatu mugitondo kare bateye abarwanyi ba Maï-Maï Biloze Bishambuke i Masango muri chefferie ya Bavira, ibintu birushaho kuzamba. Kuva mu ntangiriro z’iki cyumweru habaye imirwano ikomeye y’imitwe y’inyeshyamba muri chefferie za Bavira na Bafuliiru mu misozi miremire ya teritwari ya Uvira, nk’uko bivugwa na radio Okapi. Abaturage benshi bahunze iyi mirwano bava mu gace ka Masango berekeza i Magunda na Masonjo mu ishyamba rya Itombwe, nk’uko iyi radio ibivuga. Imibare y’abishwe n’inkomere z’iyi mirwano ntabwo bizwi kugeza ubu. Mu kwezi gushize, ibitero by’imitwe ya Maï-Maï Biloze Bishambuke n’abakorana nayo bagabye ku duce dutuwe n’Abanyamulenge byatumye abagera ku bihumbi bine bava mu byabo barahunga. Imirwano hagati y’imitwe yitwara gisirikare ishingiye ku moko muri Kivu y’epfo ituma haba ubwicanyi, ubusahuzi no guhunga kw’abaturage. Abarwanyi bo mu bwoko bw’Abanyamulenge bashinze umutwe wa Twirwaneho, bavuga ko bagamije kwirengera ku bwicanyi Abanyamulenge bakorerwa n’imitwe y’andi moko atuye aka gace. Ku wa mbere kare mu gitondo, muri chefferie ya Bafuliiru, abarwanyi ba Maï Maï n’indi mitwe bikorana bateye aba Twirwaneho, ariko ingabo za leta zinjiye mu mirwano ngo ziyihoshe. Radio Okapi ivuga ko muri iyo mirwano, abarwanyi ba Twirwaneho bafashe umurwanyi w’Umurundi. Kurikira ibiganiro n’amavidewo binyura kuri Bwiza TV
Abarwanyi bayobowe na Col. Makanika bagabye igitero i Masango ibintu biradogera
Sangiza iyi nkuru
Soma Izindi Nkuru
