Ihuriro rya PCS (Public and Commercial Services) rikorera mu biro bishinzwe umutekano w’imbere mu Bwongereza ryakangishije ko abarigize bashobora kwigaragambya mu gihe bategekwa gushyira mu bikorwa gahunda yo kohereza abimukira mu Rwanda.
Ihuriro risanzwe ritumvikana n’ibiro bishinzwe umutekano w’imbere (Home Office) kuri iyi gahunda kuko ngo ntiyemewe n’amategeko, kandi ryanze ko abarigize bagera ku bihumbi 16 batazakorana na byo mu kuyishyira mu bikorwa.
Nk’uko The Telegraph yabitangaje kuri uyu wa 31 Gicurasi 2023, Paul O’Connor uri mu bayobozi ba PCS yatangaje ko abagize iri huriro nibahatirizwa kwifatanya na Home Office, bazigaragambya.
Iri huriro riri mu miryango yasabye inkiko gutesha agaciro ishyirwa mu bikorwa ry’iyi gahunda ishingiye ku masezerano yasinywe muri Mata 2022.
