Umukino w’umunsi wa 19 wa Shampiyona uzahuza APR FC na Rayon Sports, wahawe Ruzindana Nsoro nk’umusifuzi wa mbere uri mu bazaba bawuyoboye.
APR FC izakira Rayon Sports imaze hafi imyaka ine itayitsinda; mu mukino uzabera kuri Stade Mpuzamahanga ya Huye ku Cyumweru.
Igitego cya Bizimana Yannick ni cyo cyatandukanyije impande zombi; mu mukino ubanza wabaye mu Ukuboza umwaka ushize.
Mu mukino wo kwishyura mu gihe ikipe y’Ingabo z’Igihugu kuri ubu iyoboye shampiyona by’agateganyo izasigamo Rayon Sports amanota arindwi mu gihe yaba iyitsinze; na ho Rayon Sports kuri ubu iri ku mwanya wa kane n’amanota 33 yawutsinda igasigara irushwa n’umukeba inota rimwe ryonyine.
Ruzindana Nsoro waherukaga kuyobora umukino wa APR FC na Rayon Sports mu Ugushyingo 2021; ku Cyumweru azaba yungirijwe na na Ishimwe Didier cyo kimwe na Maniraguha Valeri, nk’abasifuzi bo ku ruhande.
