Inyeshyamba za AFC / M23 n’Ingabo za Congo, FARDC, zishyigikiwe n’inyeshyamba za Wazalendo zo mu mutwe wa APCLS, barwanye mu ijoro ryo ku wa Kane, rishyira kuri uyu wa Gatanu, itariki 27 Ugushyingo, i Nyabiondo, muri Teritwari ya Masisi, muri Kivu y’Amajyaruguru.
Amakuru aturuka mu nzego zitandukanye zaho avuga ko imirwano yatangiye mu gitondo ubwo ingabo za leta zagabaga igitero ku birindiro by’inyeshyamba za AFC/M23 i Kinyumba, ku birometero 10 uvuye i Nyabiondo, ku muhanda Nyabiondo-Mutongo-Pinga.
Ayo makuru agera kuri ACTUALITE.CD, dukesha iyi nkuru, avuga ko ingabo za leta na Wazalendo zasunitse inyeshyamba za AFC / M23 zisubira i Nyabiondo, ahumvikanye urusaku rw’intwaro ziremereye n’izoroheje kugeza mu masaha akuze y’ijoro.
Biravugwa ko yi mirwano yatumye abaturage benshi bava mu ngo zabo bahungira ku Bitaro Bikuru bya Nyabiondo.
Impande zarwanaga zigabanyije umujyi nyuma y’imirwano ikaze mu ijoro ryo kuri uyu wa Kane ushize.
Biravugwa ko ibintu bitarasubira mu buryo muri Nyabiondo kandi amakuru ahava avuga ko bishobora guhinduka umwanya uwo ari wo wose.
Imibare y’abapfiriye muri iyi mirwano ntiramenyekana.
