Tariki ya 6 Kanama 2025, ubuyobozi bwa Royal FM bwatangaje ko Aissa Cyiza yagizwe Umuyobozi Mukuru w’iyi radiyo, nyuma y’amezi atanu yari amaze ari Umuyobozi Mukuru Wungirije.
Aissa Cyiza asanzwe azwi nk’umunyamakuru w’inararibonye wamenyekanye cyane binyuze mu kiganiro AM to PM gitangira saa Tanu kugeza saa Munani kuri Royal FM, aho amaze imyaka umunani.
Yatangiye umwuga w’itangazamakuru mu 2012 kuri Isango Star, aho yamaze imyaka itatu, mbere yo kwerekeza kuri Royal FM.
Azwi kandi nk’umwe mu batangije ikiganiro “Ishya”, cyahoze gitambuka kuri Televiziyo y’u Rwanda mbere y’uko kijya kuri YouTube.
