Minisiteri y’Ingabo ya Leta Zunze Ubumwe za Amerika (Pentagon) ntizakira abajya mu gisirikare bigeze kurwara COVID-19 bakaza kuyikira nk’uko ibitangazamakuru bikomeje kubigarukaho. Itangazo rito ryasohowe n’urwego rushinzwe ibyo kwinjiza abaturage mu gisirikare, ayo makuru yakwirakwiye ku rubuga rwa Twitter avuga ko “ Uwaba yarapimwe na labolatwali cyangwa ivuriro ariko bikagaragara ko yanduye COVID-19 ntabwo yemerewe.” Umuvugizi wa Pentagon yabwiye Military Times ko iri tangazo rito ari irya nyaryo, ko ari rimwe rigaragaraza “ politiki nshya”. Yatangaje ko ibyo gupima Coronavirus bitareba abatsinzwe ijonjora gusa ngo nabo bagaruka nyuma y’iminsi 14 igihe bigaragara ko nta bimenyetso bya Coronavirus nk’uko Military Times yakomeje ibitangaza. Uwo byagaragaye ko afite Coronavirus, yasabwe gutegereza iminsi 28, bakaza kwitabira ijonjora. Uzagaruka bikagaragara ko yakize Coronavirus “ Azaba atemerewe kujya mu gisirikare.” nk’uko itangazo ribivuga. Umwe mu bakora muri Pentagon yatangarije CNN ko bari kureba uko bafata ibyemezo ko “ Nta muntu wakize Coronavirus wazajya yemererwa kwinjira mu gisirikare.” Uyu yabwiye iki kinyamakuru ko hari amabwiriza ari gutegurwa kugira ngo agenge iki kibazo. Ibi ngo ahanini no kuba hari icyizere gike ku ngaruka z’igihe kirekire Coronavirus yaba yaragize ku buzimwa bw’umuntu wayikize Coronavirus.
Itangazo rya pentagon
Sangiza iyi nkuru
Soma Izindi Nkuru
