Amakipe abiri akomeye mu Rwanda, APR FC na Rayon Sports, yatewe ishoti na Berekum Chelsea yo muri Ghana mu rugamba rwo gushaka rutahizamu Stephen Amankona, umaze imyaka ibiri yikurikiranya atsinda ibitego byinshi muri shampiyona ya Ghana.
Rayon Sports yari yatanze $70,000 naho Ismaily yo mu Misiri itanga $65,000, ariko aya mafaranga yose yaranzwe.
Berekum Chelsea yifuza $100,000 kugira ngo ireke uyu munya-Ghana w’imyaka 25 uri no ku rutonde rw’abakinnyi bashakishwa na Singida Black Stars yo muri Tanzania ndetse na APR FC.
Amankona yifuzwa kubera ubushobozi afite mu gutsinda no kuyobora ubusatirizi, bikaba byatumye amakipe menshi yo mu karere amwifuza mbere y’uko isoko ryo kugura abakinnyi rifungwa.
