Ikipe ya APR FC yamaze kubona abatoza bakomoka mu gihugu cy’u Bufaransa bayobowe na Thierry Froger.
Uyu mutoza w’imyaka 60 y’amavuko yatoje amakipe atandukanye arimo TP Mazembe yo muri Repubulika Iharanira Demokarasi ya Congo na USM Alger yo muri Algerie.
Froger kandi yatoje Arta Solar7 yo muri Djibouti.
Uyu mutoza wari uhanganiye gutoza APR FC n’abarimo umunya-Espagne Juan Carlos Garrido watoje amakipe arimo Real Betis yo muri Espagne n’Umubiligi Patrick Aussems watoje amakipe arimo Simba Sports Club yo muri Tanzania.
Froger azaba yungirijwe n’Umufaransa Khouda Karim cyo kimwe n’umunya-Tunisie Dr Adel Zrani uzaba ashinzwe kongerera ingufu abakinnyi.
Radio Fine FM yatangaje ko aba batoza bagomba guhaguruka mu Bufaransa kuri uyu wa Gatatu, bakazagera i Kigali ku wa Kane.
Ni mu gihe umutoza ushinzwe kongerera ingufu abakinnyi azagera i Kigali ku wa Gatandatu.
