APR FC yanyagiye Police FC ibitego bitatu ku busa (3-0) mu mukino wabereye kuri sitade mpuzamahanga ya Huye, kuri uyu wa 13 Kamena 2021.
Amakipe yombi yabanje kugorana mu gice cya mbere cy’umukino, asatirana ariko kirangira anganya ubusa ku busa (0-0).
Mu gice cya kabiri, APR FC yayoboye umukino, Ombolenga Fitina afungura izamu ku munota wa 20, Mugunga Yves atsinda icya kabiri ku munota wa 29, Mugunga atsinda ikindi ku munota wa 39.
APR FC ikomeje kongera amahirwe yo gutwara igikombe cya shampiyona, hamwe na A.S Kigali na yo yanyagiye Espoir FC ibitego bine ku busa (4-0). Rayon Sports iri mu makipe akomeye mu gihugu yo yanganyije na Marine FC igitego 1 ku kindi (1-1).
