U Rwanda na Banki y’ishoramari y’Uburayi (EIB), bemeranije kwihutisha ubufatanye mu iterambere mu nzego zitandukanye zirimo iz’ubukungu.
Byagarutsweho mu biganiro byahuje Misitiri w’Intebe, Dr Edouard Ngirente na Bwana Thomas à–stros, Umuyobozi wungirije wa Banki y’Ishoramari y’Uburayi (EIB), Kuri uyu wa Gatanu tariki 15 Werurwe mu 2024.
Byitabiriwe kandi na Minisitiri w’Imari n’Igenamigambi w’u Rwanda, Dr Ndagijimana Uzziel na Ambasaderi w’Umuryango w’Ubumwe bw’u Burayi mu Rwanda, Belén Calvo Uyarra.
Bwana Thomas Ostros na Minisitiri w’Intebe Dr Ngirente baganiriye ku kurushaho gushimangira ubufatanye busanzweho hagati y’u Rwanda na Banki y’Ishoramari y’u Burayi, mu nzego zirimo ubuhinzi, uburezi, ubuzima ndetse n’ingufu.
Iyi banki mu bijyanye n’urwego rw’ingufu, ifasha u Rwanda muri gahunda yo gukwirakwiza amashanyarazi mu gihugu ndetse no mu yindi mishinga migari, irimo umaze iminsi utangiye ujyanye no guhuriza hamwe imyanda isukika mu Mujyi wa Kigali.
Iyi banki mu bijyanye n’urwego rw’ingufu, ifasha u Rwanda muri gahunda yo gukwirakwiza amashanyarazi mu gihugu ndetse no mu yindi mishinga migari, irimo umaze iminsi utangiye ujyanye no guhuriza hamwe imyanda isukika mu Mujyi wa Kigali
Thomas Ostros umaze iminsi mu ruzinduko rw’akazi i Kigali, akaba ari Visi Perezida wa Banki y’Ishoramari y’u Burayi (European Investment Bank) ushinzwe ingufu, ubuzima, siyansi n’iterambere.
Ni mu gihe u Rwanda rukomeje intambwe mu iterambere rirambye mu cyerekezo rwihaye cya 2050.
