Minisitiri w’ingabo n’abahoze ari abasirikare wa Repubulika ya demukarasi ya Congo, Jean Pierre Bemba, yagaragaye mu mahanga arashisha imbunda iri mu zigezweho.
Ibiro bye bisobanura ko yabikoreye mu ruzinduko ari kugirira muri Indonesia, rwatangijwe no gusura inganda z’iki gihugu zicura intwaro z’ubwoko butandukanye kuri uyu wa 11 Gicurasi 2023.
Nk’uko bigaragara mu mafoto, Minisitiri Bemba yasuye imbunda nini, iziringaniye n’into zizwi nka pisitoli hamwe n’ibindi bikoresho bya gisirikare birimo ibifaru.
Bemba ari mu ruzinduko rugamije gushaka ubufatanye bw’igihugu cye na Indonesia mu rwego rw’igisirikare, aho ashobora kuvayo ashyize umukono ku masezerano yo kugura intwaro.
