Minisiteri y’Ubuzima mu Burundi, ivuga ko umujyi wa Bujumbura wugarijwe bikomeye n’ubushita bukomoka ku nkende buzwi nka Mpox bumaze kwibasira umubare munini.
Iyi Minisiteri, ivuga ko kugeza taliki 18 Kanama 2024, nibura abagera ku 153 bamaze kwandura icyo cyorezo.Ni mu gihe muri bo, 26 bari baravuwe barakira ariko harimwo 11 bashya.
Minisitiri w’Ubuzima Lydwine Baradahana, avuga ko abamaze kwandura benshi ari abo mu Burasirazuba bw’umujyi wa Bujumbura no muri Bujumbura Mairie Nord, cyane cyane mu mazone ya Kinama na Kamenge.
Abamaze kwandura muri ako gace bagera kuri 45.
Icyo abaturage bo muri ibi bice basabwa ni ukwirinda iyi ndwara bakaraba intoki bagafata ingamba zo kwirinda nk’uko babikoraga birinda icyorezo cya COVID 19.
