Mu gihe uyu munsi Ku wa Mbere tariki ya 25 Ugushyingo 2024, hatangiye iminsi 16 yahariwe kurwanya ihohoterwa rishingiye ku gitsina ,Ishami ry’Umuryango w’abibumbye ryatangaje ko mu mwaka ushize abagore barenga 50.000 bishwe n’abo bakundanaga cyangwa abo mu miryango yabo,ibihugu binasabwa guhangana n’ihohoterwa rikorerwa abagore n’abakobwa .
Mu gihe ku isi hose hishwe abantu 51.000 bishwe n’abo mu miryango yabo ,muri Afurika hapfuye abagore n’abakobwa 21.7000 .
Ibi byatangajwe kuri uyu wa Mbere,muri raporo yashyizwe ahagarara UN women ,ifatanyije n’Ibiro by’umuryango w’Abibumbye bishinzwe kurwanya ikoreshwa ry’ibiyobyabwenge n’ibyaha byibasibara ikiremwamuntu (UNODC ).
Muri iyo raporo igaragaragaza ko niburi mu mwaka wa 2023, abagore n’abakobwa 140 bicwaga buri munsi bishwe n’abakunzi babo cyangwa abo bashakanye cyangwa umwe bo mu Muryango we .hagendewe kuri iyi raporo nibura umugore umwe yicwaga buri minota 10.
Iyo raporo igaragaza ko ihohoterwa rishingiye ku gitsina rikorerwa abagore n’abakobwa, rikomeje gufata indi intera mu bihugu bitandukanye byo ku migabane yose y’Isi nyamara mu gihe Isi yose isabwa gushyira mu bikorwa imyanzura isaba Ibihugu .
Umunyamabanga Mukuru w’Umuryango w’Abibumbye, Antonio Guterres mu ijambo rijyanye n’ubukangurambaga bwo kurwanya ihohoterwa rishingiye ku gitsina yagize ati: “Icyorezo cy’ihohoterwa rikorerwa abagore n’abakobwa ni urukozasoni ku kiremwamuntu.”
Antonio Gutterres yunzemo ati:”Isi igomba kumva uyu muhamagaro , dukeneye ingamba zihutirwa kugira ngo haboneke ubutabera no kubazwa inshingano , kandi bafashwe gukorerwa ubuvugizi .
Muri iyo raporo umugabane w’afurika niwo waje ku mwanya wa mbere mu kugira abagore benshi bishwe nabo bashakanye cyangwa abo mu Muryango wabo kuko muri 2023 hapfuye abagore 21.700 mu gihe Umugabane wa Amerika na Oceanie ariyo ikurikira Afurika.
Mu Burayi na Amerika imanza ibirego 64% na 58% zigaragaza ko abagore bicwa nabo bashakanye mu gihe ku mugabane wa Afurika na Aziya,umubare munini w’abagore bicwa n’abakomoka mu miryango bashatsemo biturutse ku ivangura .
Iyi raporo inavuga ko umubare w’Ibihugu byaranze amakuru ku Mpfu z’abagore bicwa nabo babana cyangwa abo mu miryango. Ibihugu byatanze amakuru kuri izi mpfu ni 37 bivuye kuri 75 byari byatanze ayo makuru muri 2020.Iyi raporo igaragaza ko ibi ari inzitizi ikomeye mu gahungana n’icyo kibazo cyugarije Isi.
Umuryango w’Abibumbye ;Umuryango;abibumbye n’Ibiro byawo bishinzwe kurwanya ibiyobyabwenge n’ibyaha byibasibara Ikiremwamuntu (UNODC) bagaragaje ko hakenewe ikusanyamakuru rihoraho mu rwego rwo kurushaho guhangana ;ihohoterwa rikorerwa abagore. Ningombwa kandi kumenyakanisha politike y’Uburinganire no kubaza za Guverinoma ibyo ziyemeje nkuko byatanjwe n’umuryango w’Abibumbye.
Umuyobozi Mukuru wa UNODC,Ghada Waly yahamagariye abatuye Isi kurengera abagore n’abagore ,bakongerwa ibikorwa byo kubateza imbere anasaba ko iminsi 16 yo kurwanya ihohoterwa rishingiye ku gitsina ko hagomba gufatwa ingamba zigamije kurengera abagore.
Umuryango wa Abibumbye kandi ugaragaza ko muri 2023, ibirego by’ihohoterwa rishingiye ku gitsina kubera makimbirane mu miryango byiyongereyeho 50% ugereranyije na 2022.
Muri 2023 ,abagore bose bapfuye bishwe bagera ku 85 .000 barimo 51.100 bangana 60% bishwe n’abo bakundanaga cyangwa abo mu miryango yabo .
Mu mwaka utaha hazizihizwa isabukuru y’imyaka 30 habaye inama ya Beijing,iyi Nama yabaye muri Nzeri 1995 , niyo yavuyemo imyanzuro irimo uwo kwimakaza ihame ry’uburinganire no gutanga amahirwe angana hagati y’abagore muri gahunda z’iterambere .
