Minisiteri y’Ubuzima mu Burundi kuri uyu wa 11 Mata 2020 yatangaje ko muri iki gihugu habonetse abandi barwayi babiri b’indwara y’icyorezo ya Covid-19.
Byatangajwe na Minisitiri Thadée Ndikumana yagiranye n’abanyamakuru kuri uyu munsi, ababwira uko iki cyorezo gihagaze mu Burundi.
Tariki ya 31 ni bwo abarwayi ba mbere ba Covid-19 bagaragaye mu Burundi. Tariki ya 2 Mata nabwo Minisitiri Ndikumana yatangaje ko habonetse undi murwayi w’iki cyorezo. Muri rusange, abamaze kugaragara muri iki gihugu ni 5.
U Burundi ni kimwe mu bihugu bike bitarahagarika ibikorwa by’imbere bitewe n’iki cyorezo. Abaturage bemerewe gukora imirimo yabo ndetse n’ibirimo amasengesho ariko bagakurikiza amabwiriza yatanzwe n’Umuryango Mpuzamahanga wita ku Buzima (OMS/WHO) ndetse na Minisiteri y’Ubuzima, agamije gukumira ikwirakwira ryacyo.
