Niba warumvishe indirimbo yitwa ‘We are going to Ibiza’ cyangwa se ‘Tugiye kuri Ibiza’ ndagusuhuje. Nawe utarayumva cyangwa se ngo uyirebe, nkurarikiye kubikora.
” Tugiye kuri Ibiza, dusubiye ku kirwa, turagirira ibirori mu nyanja ya Mediterane.” Aya ni amwe mu magambo agize iyi ndirimbo ibyinitse mu buryo bunyura buri wese uyumvishe.
Ibiza ni kimwe mu birwa bihuriye mu itsinda rya Barealic, rikaba ari ryo huriro ry’ibirwa rinini riri mu nyanja ya Mediterane ho muri Esipanye.
Ni ahantu hizihira abantu cyane mu masaha y’ijoro nko mu mugi wa Ibiza na San Antoni. Ni agace abantu benshi cyane Abanyaburayi bakunda gusura bashaka kuruhuka no guhungira izuba ryo mu gihe cy’Icyi. Abantu benshi bakunda gutemberera ahaba amazi n’umusenyi kandi hakaba n’amahoteli, amacumbi meza afasha abahasuye kuruhuka neza.
Kubera iki ibyamamare n’ababifitiye ubushobozi bakunda ikirwa cya Ibiza?
Imyidagaduro
Ku kirwa cya Ibiza hari inzu z’imyidagaduro (clubs) nka Amnesia, Space, Pacha, Sankeys na Privelege zikunze gutumira abavanga umuziki n’abataramyi barimo abahanzi bakomeye ku isi, baza gususurutsa abahasuye kuva muri Gicurasi kugeza muri Nzeri. Abajya kuruhukirayo bakunda cyane ibi bitaramo bihabera.
Umusenyi wa Formentera
Formentera ni umusenyi w’urwererane uri mu bilometero 9 uvuye mu mugi wa Ibiza.
Amazi yitegeye izuba rirasa
Abenshi bakunda kugera kuri aya mazi iyo izuba rirashe cyangwa se rirenga biteye n’ubwiza hafata mu masaha nk’aya.
Umugi wa Ibiza
Bitewe n’umubare munini w’abantu basura Ibiza, uyu mugi wubatswe mu buryo buryoheye amaso kandi buri serivisi abakiriya bakenera irahaboneka.
Hari ibindi bikundwa kuri iki kirwa ni inteko zo muri Esipanye akundwa arimo n’aya gakondo. Amafunguro akundwa ni nk’umureti, amafi na pizza.
Ibikorwa byinshi bikorerwa kuri iki kirwa bigira aho bihurira n’ubukerarugendo.
