Prezida wa Burkina Faso, Ibrahim Traoré yakinnye umukino wo gufasha, aho yahuriye mu kibuga n’abakinira n’abahoze bakinira ikipe y’igihugu ya Burkina Faso.
Ikipe ya Perezidansi ya Burkina Faso yatsinze abakinira n’abahoze bakinira ikipe y’igihugu ya Burkina Faso ibitego bitatu kuri bibiri.
Uyu mukino waba tariki ya 29 Kamena 2024 gusa leta yifuje gutangaza ibyavuye mu mukino ku cyumweru tariki ya 7 Nyakanga 2024.
Uyu mukino wabonetsemo ibitego bigera kuri bitanu aho perezida Ibrahim Traoré wari kapiteni muri uyu mukino yatsinze ibitego 2 muri bitatu batsinze aho ikindi kimwe cyatsinzwe na Oussoufo Eugène Yigo.
Préjuce Nacoulma ku ruhande rw’abakinaga n’ikipe ya Perezidansi ni we watsinze ibitego bibiri byo kugabanya umwenda.
Umukino ubanza wari wabaye muri 2023, perezidansi ya Burkina Faso nabwo yari yatsinze iyi kipe y’abakinnyi babigize umwuga ibitego 3-1.
Umukino urangiye, Perezida wa Burkina Faso, Kapiteni Ibrahim Traoré, yasabye abakinnyi kugendera kure ibibatandukanya no gutekereza ku nyungu z’igihugu.
