Ikipe y’igihugu y’u Burundi y’abatarengeje imyaka 23, yageze ku mukino wa nyuma wa CECAFA y’abatarengeje iriya myaka isezereye Kenya kuri penaliti 4-2.
Ni nyuma y’uko amakipe yombi yari yaguye miswi 0-0 mu mukino wa 1/2 cy’irangiza cya ririya rushanwa riri kubera mu gihugu cya Ethiopia.
Amavubi y’u Rwanda yagombaga kwitabira ririya rushanwa gusa abireka ku munota wa nyuma, ku mpamvu z’icyorezo cya COVID-19 gikomeje kuzengereza Isi.
U Burundi buzahurira ku mukino wa nyuma wa CECAFA y’abatarengeje imyaka 23 uteganyijwe ku wa Gatanu Tariki ya 30 Nyakanga n’ikipe y’igihugu ya Tanzania.
Tanzania yageze ku mukino wa nyuma nyuma yo gusezerera Sudani y’Epfo ku gitego 1-0 cyatsinzwe na Kelvin Naftal.
Kurikira ibiganiro n’amavidewo binyura kuri Bwiza TV
