Imirambo y’umugabo, umugore, n’umwana yavumbuwe ku nkombe z’Uruzi rwa Rusizi, kuwa Kabiri mu gitondo, hafi y’umupaka uhuza u Burundi na Repubulika ya Demokarasi ya Congo (DRC), mu gace ka Gatoki, Umudugudu na Zone Rukana, Komini ya Cibitoke, Intara ya Bujumbura, mu burengerazuba bw’igihugu.
Abayobozi bakeka ko ari igikorwa cyo kugerageza kwambuka bitemewe cyagenze nabi.
Amakuru yakusanyijwe na SOS Médias Burundi, avuga ko abarobyi babonye imirambo ireremba mu Ruzi rwa Rusizi mu gitondo cyo kuri uyu wa Kabiri ushize, itariki ya 27 Mutarama, ubwo bashakishaga amafi.
Bahise babimenyesha abashinzwe umutekano mu Burundi bari ku birindiro byo ku mupaka. Aba basirikare na bo babimenyesheje abayobozi b’inzego z’ibanze, bahise bajya aho hantu gukora iperereza.
Imirambo hataramenyekana ba nyirayo, yari yatangiye kwangirika, ntibiriwe bayijyana mu buruhukiro ahubwo bayishyinguye aho, ku nkombe z’Uruzi rwa Rusizi, bitegetswe n’abayobozi.
